Selfverstaan
Ons unieke geskiedenis toon dat ons teologiese verstaan Bybels Reformatories gebly het. Dit is met die uitbeweeg onder die dwingelandy van die NHKA se onskriftuurlike besluite dat ons selfverstaan ten opsigte van gemeentes en sinodale bande noodgedwonge verander het. Daar is geen dwingelandy in die GHG nie; ons ag mekaar gebonde aan die Bybel, die Belydenisse en die Formuliere van Eenheid.....
So Glo Ons
KERNWAARHEDE
1. Die Bybel is die Woord van God:
• In lyn met Artikel 2 van die Nederlandse Geloofsbelydenis, glo ons dat God se openbaring in sy Woord genoegsaam is vir ons saligheid.
• Die Bybel is deur God geïnspireer en dra daarom 'n gesag wat bo enige menslike insigte en wysigings uitstyg...
.
Geskiedenis van die Geloofsbond
Ons sien onsself as Hervormers en as die ware voortsetting van die Voortrekkerkerk. Lees meer oor die geskiedenis en ontstaan van die Geloofsbond van Hervormde Gemeentes.
Hierby staan ons, dit kan nie anders nie: |
.
Dagstukkie
OORDENKING
Saterdag 14 November
Kan ons met God onderhandel?
Ons almal het die kuns van onderhandeling bemeester. Ons onderhandel nie net met ons medemens nie maar ook met onsself. As ek die week by my dieet bly, sal ek myself die naweek bederf. Daar is egter een aspek van ons lewe waar ons geneig is om graag te onderhandel. Ons geloofslewe. Ons onderhandel graag met God. Mag ons met God in onderhandelings betrokke raak? Kan ons beloftes maak aan God?
Jefta was tog so begaan oor sy ereposisie wat hy nou gehad het onder sy volksgenote dat hy net aan homself dink. Hy dwing as’t ware vir God. Altans Jefta dink so. Hy dink hy dryf God in ’n hoek. Hy sal ’n offer aan God bring, ’n brandoffer. En om die bedingingskrag te vergroot, sal dit ook ’n grenslose karakter wees. Jefta maak sy aanbod so groot en so ruim dat hy meen God het geen ander opsie as om hom te help nie. Waarom maak Jefta ’n belofte aan God? Juis omdat hy so selfgesentreerd is. Hy meen sy lewe en sukses is binne sy eie hande. Die gelofte wat hy maak, is natuurlik ’n dwase belofte. Die Gees van God was reeds by hom. Omdat Jefta so selfgesentreerd was, bring hy groot onheil oor homself. Groot hartseer. Hy vermoor sy eie dogter. Net omdat hy nie geglo het in God se voorsienigheid nie.
God het ’n belofte gemaak en het dit nagekom deur Sy Seun, Jesus Christus. Al wat God van ons verwag, is om dit te glo. Ons hoef nie met God te onderhandel oor Sy hulp nie.
Ds. Rudi Schoeman, Theresapark
𝔊𝔢𝔩𝔬𝔬𝔣𝔰𝔟𝔬𝔫𝔡 𝔳𝔞𝔫 ℌ𝔢𝔯𝔳𝔬𝔯𝔪𝔡𝔢 𝔊𝔢𝔪𝔢𝔢𝔫𝔱𝔢𝔰 Lewensbrood 2026 - (CC BY-NC-ND)
Teken in op ons poslys
Koersvas is 'n amptelike mondstuk van die GHG waarin kerknuus en aktuele sake aangespreek word. Die Skietlood is die mondstuk van die GHG waarin dieper geestelike sake aangespreek word.
Stuur 'n epos aan [email protected] om in te teken.