Selfverstaan
Ons unieke geskiedenis toon dat ons teologiese verstaan Bybels Reformatories gebly het. Dit is met die uitbeweeg onder die dwingelandy van die NHKA se onskriftuurlike besluite dat ons selfverstaan ten opsigte van gemeentes en sinodale bande noodgedwonge verander het. Daar is geen dwingelandy in die GHG nie; ons ag mekaar gebonde aan die Bybel, die Belydenisse en die Formuliere van Eenheid.....
So Glo Ons
KERNWAARHEDE
1. Die Bybel is die Woord van God:
• In lyn met Artikel 2 van die Nederlandse Geloofsbelydenis, glo ons dat God se openbaring in sy Woord genoegsaam is vir ons saligheid.
• Die Bybel is deur God geïnspireer en dra daarom 'n gesag wat bo enige menslike insigte en wysigings uitstyg...
.
Geskiedenis van die Geloofsbond
Ons sien onsself as Hervormers en as die ware voortsetting van die Voortrekkerkerk. Lees meer oor die geskiedenis en ontstaan van die Geloofsbond van Hervormde Gemeentes.
Hierby staan ons, dit kan nie anders nie: |
.
Dagstukkie
OORDENKING
Vrydag 6 November
Wat is soeter as heuning en sterker as ’n leeu
Simson se raaisel word met ’n raaisel van die Filistynse jongmanne af beantwoord. Simson het gevra: “Uit die eter kom daar iets te ete, uit die sterke kom daar iets soets”. Die jongmanne gee die antwoord as: “Wat is soeter as heuning, wat is sterker as ’n leeu”. Simson moes op hierdie raaisel antwoord, dat die liefde soeter is as heuning en sterker is as ’n leeu. Die liefde.
Simson was oorweldig deur die liefde vir sy bruid. En boonop het sy hom beskuldig dat hy nie lief is vir haar nie. En so moes Simson erken dat die liefde selfs sterker is as ’n leeu. Ja, selfs sterker is as Simson self.
Kyk tot waar liefde ’n mens dryf, en kyk maar wat ons alles vir liefde sal doen. Kyk die smart en ellende as ons ’n geliefde aan die dood moet afstaan, of die vreugde as ’n geliefde na ’n lang tyd weer kom kuier. Menslike liefde is oor die algemeen selfsugtig en gaan baie keer oor selfbelang. Christus se liefde vir ons is gelukkig anders. Hy het uit liefde Sy lewe vir ons afgelê, sodat ons gered kon word.
Besef u hoe sterk Sy liefde vir ons is dat Hy bereid was om vir ons te sterf? Goddank vir Sy liefde in Sy Seun Jesus Christus. Menslike liefde lei tot ondergang soos in Simson se geval. Goddelike liefde lei tot redding soos bewys in Christus.
Ds. Rudi Schoeman, Theresapark
𝔊𝔢𝔩𝔬𝔬𝔣𝔰𝔟𝔬𝔫𝔡 𝔳𝔞𝔫 ℌ𝔢𝔯𝔳𝔬𝔯𝔪𝔡𝔢 𝔊𝔢𝔪𝔢𝔢𝔫𝔱𝔢𝔰 Lewensbrood 2026 - (CC BY-NC-ND)
Teken in op ons poslys
Koersvas is 'n amptelike mondstuk van die GHG waarin kerknuus en aktuele sake aangespreek word. Die Skietlood is die mondstuk van die GHG waarin dieper geestelike sake aangespreek word.
Stuur 'n epos aan [email protected] om in te teken.