Selfverstaan
Ons unieke geskiedenis toon dat ons teologiese verstaan Bybels Reformatories gebly het. Dit is met die uitbeweeg onder die dwingelandy van die NHKA se onskriftuurlike besluite dat ons selfverstaan ten opsigte van gemeentes en sinodale bande noodgedwonge verander het. Daar is geen dwingelandy in die GHG nie; ons ag mekaar gebonde aan die Bybel, die Belydenisse en die Formuliere van Eenheid.....
So Glo Ons
KERNWAARHEDE
1. Die Bybel is die Woord van God:
• In lyn met Artikel 2 van die Nederlandse Geloofsbelydenis, glo ons dat God se openbaring in sy Woord genoegsaam is vir ons saligheid.
• Die Bybel is deur God geïnspireer en dra daarom 'n gesag wat bo enige menslike insigte en wysigings uitstyg...
.
Geskiedenis van die Geloofsbond
Ons sien onsself as Hervormers en as die ware voortsetting van die Voortrekkerkerk. Lees meer oor die geskiedenis en ontstaan van die Geloofsbond van Hervormde Gemeentes.
Hierby staan ons, dit kan nie anders nie: |
.
Dagstukkie
OORDENKING
Sondag 18 Oktober
Innerlike oortuiging
’n Ou staatsman – Dr DF Malan het gesê: “Bring bymekaar, wat uit innerlike oortuiging bymekaar hoort.”
Innerlike oortuiging. Jou waardes, oortuigings, in die besonder – jou geloof. Is dit werklik ons innerlike oortuiging? Dat ons alleen verlos word deur die bloed van Jesus Christus en dat ons verwag dat Hy weer kom?
Openbaring 14 sê vir ons dat indien dit werklik die oortuiging van ons hart is, dan kry ons van die Here die belofte dat ons deel van die skare sal wees wat met die Here se wederkoms die oorwinningslied sal sing. Die lied wat net dié sal sing wat nie in hul geloof ontrou aan God was nie, wat nie geestelik hoereer het nie. Hulle wat nie die dier gevolg het nie, met ander woorde hulle wat nie in hul geloof gewankel het en die leuens van die dwaalleraars gevolg het nie.
Daar sal twee oeste ingesamel word, die koringoes en die wynoes.
Die Koning, Jesus Christus, sal self kom om die koringoes in te samel vir die hemelse skure. Die grootste genadeloon sal aan hulle gegee word wat, deur die versterking van die Here, in hul geloofstryd volhard het. Dan sal ’n engel met ’n skerp sekel die wingerd oes. Nie net die druiwetrosse nie, nee, alles word afgesny sodat dit nooit weer sal groei nie.
Hulle wat ongelowig was, wat nie ag geslaan het op die eeue oue oproep om hul te bekeer nie, word buite die stad geneem. Hulle sal nie deel wees van die nuwe Jerusalem nie. Hulle sal in die parskuip vertrap word.
En so sal die ongehoorsames agterkom dat hul glad nie so wonderlik en magtig is nie. Hulle het dalk koning gekraai op aarde, maar nou word hul teruggeruk en vir ewig vernietig. Sal daar van ons gesê kan word: “Hulle volg die Lam waar hul ookal gaan?”
Mag dit die innerlike oortuiging wees wat ons saambind.
Ds. Ronel Eckard, Zoutpansberg
𝔊𝔢𝔩𝔬𝔬𝔣𝔰𝔟𝔬𝔫𝔡 𝔳𝔞𝔫 ℌ𝔢𝔯𝔳𝔬𝔯𝔪𝔡𝔢 𝔊𝔢𝔪𝔢𝔢𝔫𝔱𝔢𝔰 Lewensbrood 2026 - (CC BY-NC-ND)
Teken in op ons poslys
Koersvas is 'n amptelike mondstuk van die GHG waarin kerknuus en aktuele sake aangespreek word. Die Skietlood is die mondstuk van die GHG waarin dieper geestelike sake aangespreek word.
Stuur 'n epos aan [email protected] om in te teken.